Dan sjtriek ich dich door dien sjtuupelkes….

Leeve pap,

3 jaor geleeje is ut alweer, det veer aafsjied van dich moste naeme.

En zoals veer os toen neer veur koste sjtelle, geit ut laeve zonger dich geweun wiejer.

Maar waat mis ich dich toch.

Waat vinj ich ut toch jaomer des se nooit van os kleine blonje mènke hubs moge geneete. 

Det menke waat volgens ein aantal miense juus zóveul op dich liek. 

Ich blief ut zoget raars vinje. Net ofs doe dien plekske veur hem hubs motte aafgaeve..

Waat mis ich dich, eedere keer es de kiendjes de hörkes weer zo lekker kort gesjaore hubbe, “net als opa Bennie”.

Maar waat is ut toch biezunjer om truuk te kinne laeze euver dich, mit dierbare foto’s en verdrietige maar SJOON SJTUKSKES

Vandaag sjtriek ich mien mènkes ins extra dök door heur korte sjtuupelkes.

Det deej ich auch biej dich wie se mich veur de állerletste keer in mien handj kneeps….

Zo bun ich toch weer efkes biej dich.

Dit blief mien dierbaarste foto…

Hoie leeve pap!

Mis dich… 

 

4 antwoorden op “Dan sjtriek ich dich door dien sjtuupelkes….”

  1. Waar weer prachtig gezagdj,joamer genog snap ich precies wats dich bedoels ,het blieftj neet te geluive det dit vur altied is x 🌟❤️😙

Geef een reactie

Het e-mailadres wordt niet gepubliceerd. Vereiste velden zijn gemarkeerd met *